മുന്‍ പോസ്റ്റുകളില്‍ പ്രതിപാദിച്ച അവസ്ഥകളുടെയും കൊളോണിയല്‍ ഭരണ-വിദ്യാഭ്യാസം വഴി ലഭിച്ച വിക്‌ടോറിയന്‍ സദാചാരത്തിന്റെയും ഒരു കൂട്ടായ്മയിലാണ് കേരള സദാചാരം പ്രവര്‍ത്തിക്കുന്നത്. അതിന്റെ സ്വയം പ്രഖ്യാപിത കാവലാളുകളായിട്ടാണ് സദാചാര പോലീസ് ചാടിവീഴുന്നത്. സദാചാര പോലീസിനെതിരായ ഗീര്‍വാണങ്ങളില്‍ യാതൊരു കാര്യവുമില്ല. പൊതു സദാചാരം മാനവികതക്കും ആധുനികതക്കും ചേര്‍ന്നതാണോ എന്ന വിമര്‍ശനാവബോധം നാം ആരംഭിച്ചിട്ടു പോലുമില്ല.
അതായത്, സദാചാര പോലീസായി രംഗത്തു വരുന്ന വര്‍ഗീയ-തീവ്രവാദികള്‍ സത്യത്തില്‍ ആധുനിക കേരള സമൂഹത്തെയാകെ നിര്‍ണയിക്കുന്ന സാമാന്യ സദാചാര ബോധത്തിന്റെ പ്രത്യക്ഷീകരണം മാത്രമാണ്. മരം കണ്ട് കാടു കാണാതെയാകുന്ന നിര്‍ണയനം കൊണ്ട് കാര്യമില്ല.
No comments:
Post a Comment